Кыргызстандын Баткен облусунда чек ара чырында оор жараат алган 49 киши Бишкектеги ооруканаларга которулду. Бул тууралуу Саламаттык сактоо жана социалдык өнүгүү министринин биринчи орун басары Ализа Солтонбекова 1-майдагы брифингде билдирди.
«Алар октон жаракат алышкан, мээлери чайкалган, дене мүчөлөрү сынган. Үчөөнүн абалы өтө оор»,-деди ал.
Маалыматка караганда, учурда министр Алымкадыр Бейшеналиев Баткенде жүрөт.