24-сентябрь күнү «Манас» көзөмөл-өткөрмө бекетинде чек арадан мыйзамсыз өтүүгө аракет кылган кыргызстандык жаран кармалды. Бул тууралуу Мамлекеттик чек ара кызматы билдирет.
«Стамбул-Бишкек» багыты боюнча учуп келген 26 жаштагы М.К.к. аттуу жаран паспорттук текшерүүдөн өтүп жатып паспортун көрсөткөн. Чек арачылар документте көрсөтүлгөн маалыматтардын туура эместигин аныкташкан», — деп билдирет Чек ара кызматы.
Тиешелүү документтер толтурулгандан кийин кармалган жаран УКМКнын аймактык бөлүмүнүн кызматкерлерине өткөрүлүп берилген.