Алай менен Чоң-Алай райондорунда топоздорго кол салган 3 карышкыр атылып, бирөө тирүү кармалды. Бул тууралуу Биотүрдүүлүктү сактоо жана өзгөчө корголуучу жаратылыш аймактар департаментинин Алай району боюнча аңчы адиси Алимбек Айдаров кабарчыга билдирди.
Анын айтымында кечээ, 6-декабрь күнү Алай районунун Ак-Босого айылындагы мергенчилер 2 карышкыр атышкан. Буга чейин карышкырлар топоздорго кол салып келген эле. Мындан сырткары Чоң-Алай районундагы Кара-Мык айылында да жергиликтүү тургундар 2 карышкыр кармашкан. Анын бирөөсүн атышса, экинчиси тирүү кармалды.
Булак: Турмуш.кж