Чоң-Алай районунун сел каптаган аймагына ыкчам топ тартылды. Бул тууралуу Өзгөчө кырдаалдар министрлигинен билдиришти.
Алдын ала маалымат боюнча, бүгүн саат 16:00 чамасында Чоң-Алай районунда катуу жааган жамгырдын кесепетинен кокту колоттордон келген сел суулары Чоң-Кызыл-Эшме айылында көчөлөрдү каптап жаткандыгы тууралуу маалымат түшкөн.
Жерине маалыматты тактоо иштерин жүргүзүүгө Чоң-Алай райондук өзгөчө кырдаалдар бөлүмүнөн ыкчам топ тартылды. Кошумча маалымат берилет.