Бишкек.07.08.2019.Govori.TV.
Кыргызстандын эгемендүүлүк күнүнө карата Ысык-Көлдө Кыргызстан Президентинин кубогу үчүн ат оюндары өтө турганын Жаштар иши, дене тарбия жана спорт агенттигинен билдиришти.
Маалыматка ылайык, ат оюндары 26-31-август күндөрү Чолпон-Ата шаарында болот.
Турнирдин программасында көк бөрү, ат чабыш, эр эңиш жана салбурун каралган.
“26-29-августка чейин көк бөрү мелдешинин болжолдуу оюндары өтүп, 30-августта көк бөрү, эр эңиш жана салбурун оюндарынын үчүнчү орун үчүн кармаштары тартууланат. 31-августта эл финалдык оюндарга күбө болот”,-деп айтылат маалыматта.