Депутат Дастан Бекешев кызматтык унаасын тапшырды. Бул тууралуу ал Фейсбуктагы өздүк баракчасына жазып чыкты.
Бекешевдун айтымында, ушул жуманын ичинде иш бөлмөсүн дагы бошотот.
“Менде көп план жана милдеттер бар, мамлекеттик кызматта 14 жылдык тажрыйба топтодум”, -деп жазган Бекешев.
Белгилей кетсек, Бекешев 2010-жылы “Ар-Намыс” саясий партиясынан Жогорку Кеңештин депутаты болуп шайланган. Кийин “Ак-Ниет” партиясын негиздеген. 2015-жылы Кыргызстан социал-демократтар партиясынын тизмеси менен Жогорку Кеңешке депутат болуп шайланып келген.