Зомбулукка каршы мыйзамдар иштебей жатат. Мындай пикирин Жогорку Кеңештин депутаты Динара Ашимова билдирди.
«Зордук-зомбулукка байланыштуу коомдогу кайгылуу көрүнүштөр система иштебей жатканынан кабар берет. Эмне үчүн иштебейт? Себеби мыйзамдар туура эмес жазылган, иш жүзүндө аткаруу мүмкүн эмес. Мыйзамдар бири-бирине дал келбеген учурлар көп. Ал эми мамлекеттик органдардын ортосунда бул жаатта тыгыз байланыш жок. Түзүмдү өзгөртүү үчүн Кылмыш-жаза кодексине, Бузуулар жөнүндө кодекс, Балдар жөнүндө кодекстерди шайкеш келтирүү керек. Мындан сырткары, жер-жерлеге чыгуу менен аялдардардын пикирин угалы. Анын натыйжасында мыйзам кабыл алып, Министрлер кабинетин иштетиш керек. Талап кылышыбыз зарыл, ансыз зомбулук токтобойт»,-деди депутат.
Белгилей кетсек, бүгүн, 6-сентябрда Жогорку Кеңешинин Төрагасынын алдындагы аялдардын укуктары жана гендердик зомбулуктун алдын алуу боюнча кеңешме өттү. Иш-чарада аялдардын, балдардын укуктары жана гендердик теңчилик боюнча кеңеш сунуштарды түзүү жана Кеңештин 2022-жылга карата иш планын бекитүү жөнүндө талкуу жүрдү.
Талкууда Жогорку Кеңештин депутат айымдары секелек кыздардын үрөй учурган жагдайларга кабылышы коркунучтуу көрүнүш экенин билдирип, аялдардын, кыздардын жана жаш өспүрүмдөрдүн укуктары мыйзам чегинде корголушу керектигин баса белгилешти.
Статистикалык маалыматка таянсак, жети ай ичинде 9 миңге жакын үй-бүлөлүк зомбулук фактысы катталган. Көйгөйлүү маселелерди чечүү аракетинде сунуш-пикирлер айтылды.
34 жаштагы Рахима Айкымбаева 4-апрелге караган түнү бир нече жеринен бычакталганы маалым болду. Кылмышка шек …
Ташкент облусундагы Зангиата районунун тургуну 13 жаштагы өгөй кызын кордогон деп шектелүүдө. Балдар акыйкатчысы менен …
Бишкектеги Токтогул Сатылганов атындагы улуттук филармонияда экинчи Элдик курултай өтүп жатат. Курултайда президент Садыр Жапаров …
Кыргызстанда быйыл жыл башынан берки сегиз ай ичинде үй-бүлөлүк зордук-зомбулук боюнча 8512 факт катталганын 27-сентябрда …
Кыргызстанда 25-ноябрдан тарта «Аялдарга карата зомбулукту жоюу боюнча 16 күндүк активдүүлүк» кампаниясы башталды. Кампаниянын максаты …
Араван районунда жаш эне эгиз кыздарын шымына заара ушатып койгону үчүн катуу сабап жаткан видео …
