Кыргыз Республикасынын Шайлоо жана референдум ѳткѳрүү боюнча борбордук комиссиясында 2025-жылдын 30-ноябрында ѳтѳ турган Кыргыз Республикасынын Жогорку Кеңешинин депутаттарын мөөнөтүнөн мурда шайлоого катышуу жѳнүндѳ ниетин билдирген жарандардан арыздар кабыл алуу аяктады.
Жалпысынан болуп 589 талапкер көрсөтүлдү (эркектер — 365, аялдар — 224).
Бүгүнкү күнгө карата 168 талапкер катталды, 19 талапкер өзү шайлоого катышуудан баш тартты, 7 талапкерди БШК каттоодон баш тартты.
БШКнын маалыматына ылайык, талапкердин эң көбү, №27 шайлоо округунан тагыраагы 32 адам арыз берген. Ал эми эң азы №11 шайлоо округунан, тогуз адам талапкерлигин көрсөттү.