ЖК депутаты Адахан Мадумаров жалпы жыйында сөз сүйлөп, кесиптештерин тартипти сактоого чакырды. Ал өз өзүндө алгач жыйынды өз убагында баштоону талап кылды.
«Жогорку Кеңештин жыйыны саат 10:00дө башталат дегенден кийин ошондо башталышы керек. Беш мүнөт калганда залга келип отурсак… 6-7-класстын балдары 7:30да мектепке сабакка барып жатат. Тартипти өзүбүздөн баштасак. Анан дагы бир маселе, сүйлөгөндө таза кыргызча же таза орусча сүйлөсөк, аталасын чыгарбайлы», — деди Мадумаров.
Бүгүн, 12-январда парламенттин жыйыны өтүп жатат, анда депутаттар ЖК түзүмүн бекитип, вице-спикерлерди шайлаша турганы маалымдалган.