1-январда «Ала-Тоо» аянтына туура эмес желекти ким илсе, мыйзам чегинде жооп бериш керек. Мындай пикирин Жогорку Кеңештин депутаты Акылбек Түмөнбаев билдирди.
«Тууну Жогорку Кеңеш кабыл алып бердик, өзүңүздөр көргөндөй 8-январда ошол тууну барып көтөрдүк. Ага чейин кандай желек илингенин көргөн жокмун, анткени Ысык-Көлдө шайлоочуларым менен жолугушуп жүргөм. Бирок мен ар жерде мыйзамдуулукту айтам. Туура эмес желекти ким илсе, мыйзам чегинде жооп бериш керек»,-деди депутат.