Жогорку Кеңештин депутаты Эмил Жамгырчиев ККМ орнотуу замандын талабы деген пикирде. Ал белгилегендей коомчулук буга эртели-кеч өтүүсү керек.
«ККМге коомчулук эртели-кеч келүүчү маселе. Себеби, бул замандын талабы. Бирок, эми өзүбүз байкап калдык бүгүнкү күндө биздин жарандар даяр эмес экен. Тийиштүү иш-чараларды жүргүзүү менен коомдун өзү ККМди алып келе турган деңгээлге жеткирүү керек», — деди депутат.
Белгилей кетсек, жаңы Салык кодексине ылайык, өлкө аймагындагы соода сатык, жумуш аткаруу, тейлөө субъектилери накталай жана накталай эмес эсептешүүдө милдеттүү түрдө ККМ колдонушу керек. Мындай милдеттүү талап 1-августтан тартып коюла баштайт.
Бир катар ири базарларда иштеген соодагерлер буга карата нааразылыгын билдирип, митинг-пикет өткөрүп келе жатышат.