Бүгүн, 22-июлда ЖКнын жалпы жыйынында “Президентти жана Жогорку Кеңештин депутаттарын шайлоо жөнүндөгү” мыйзам долбоору 1-окууда кабыл алынды. Ага 99 депутат макул, 7 эл өкүлү каршы добуш берди.
Буга чейин парламентте документ 14-июлда талкууланып, 15-июлда да уланган. Бир катар депутаттар шайлоо мыйзамы боюнча долбоор чийки экенин, эгерде бул документ кабыл алынса Жогорку Кеңешке акчалуулар, аймактардагы чоң муштумдар гана келип, жаштар менен аялдарга мүмкүнчүлүк түзүлбөй каларын айтышты. Ошондой эле, 35 депутатты бир мандаттуу округдардан, 55ин партиялык тизме менен шайлоо боюнча сунуш түшүнүксүз экенин билдиришти. Алар депутаттарды партиялык тизме менен шайлоо керектигин жана талапкерлерге өзүнчө добуш берүү системасын киргизүү демилгесин көтөрүштү.
Борбордук шайлоо комиссиясынын төрайымы Нуржан Шайлдабекова долбоор коомчулуктагы суроо талапты эске алуу менен жазылганын, айрым кемчиликтер экинчи окууда оңдолорун айткан.
Ал эми кечээ, 21-июлда өлкө башчы Садыр Жапаров ЖК депутаттары менен жолугушуу өткөргөн. Депутаттар президент менен болгон жолугушууда шайлоо мыйзамдары тууралуу сөз болгонун айтышкан.
Документти президенттин буйругу менен түзүлгөн жумушчу-эксперттик топ жазган. Анын автору катары президент көрсөтүлгөн. Ага ылайык, жалпы 90 депутаттын 35и бир мандаттуу округдардан, 55и партиялык тизме менен пропорционалдык система аркылуу шайланат. Бир мандаттуу округдардан шайлоо үчүн Кыргызстан 103 миң шайлоочудан 35 округга бөлүнөт.
Жогорку Кеңешк персоналдык компьютер сатып алууга конкурс жарыяланды. Бул тууралуу маалымат Мамлекеттик сатып алуулар порталына …
ЧЕК АРАДА КУРМАН БОЛГОНДОРДУН ЖАКЫНДАРЫНА СОЦПАКЕТ Президент Садыр Жапаров Баткенде чек арада курман болгондордун үй-бүлөсүнө …
29-июнда Жогорку Кеңештин 7-чакырылышынын 2-сессиясы жабылды. Анда бир катар мыйзам долбоорлоруна добуш берилип, “Элдик курултай” …
Бүгүн, 29-июнда Жогорку Кеңештин 7-чакырылышынын 2-сессиясы жабылды. Парламенттин бүгүнкү жыйынында 50 маселе каралды. Анын ичинен …
Бүгүн Жогорку Кеңештин VII чакырылышынын кезектеги сессиясы жыйынтыкталат. Бир жыл ичинде парламент кыргыз-өзбек чек арасын, …
Өткөн аптада Жогорку Кеңеш депутат Адахан Мадумаровду кылмыш жоопкерчилигине тартууга уруксат берген. Депутаттык комиссия чогулуп, …
