Көп мандаттуу шайлоо округдары боюнча Жогорку Кеңештин депутаттарын мөөнөтүнөн мурда шайлоого катышуу ниетин билдирип, арыз бергендердин саны 50 талапкерге жетти.
Борбордук шайлоо комиссиясынын сайтындагы жаңыланып турган маалыматка караганда, алардын катарында ЖК депутаты, экс-министр, ишкер, блогер жана активисттер бар.
Белгилей кетсек, Жогорку Кеңештин 90 депутаты 5 жылдык мөөнөткө 30 көп мандаттуу шайлоо округдары боюнча шайланат. Ар бир округдан үчтөн депутат мандат алат.
Саясий өнөктүк 30-ноябрда өтөт.