Өлкөдө ыкчам IT-штаб уюштурулду. Бул тууралуу Маалыматтык технологиялар жана байланыш мамлекеттик комитетинин төрагасы Дастан Догоев бүгүн, 4-апрелде онлайн брифингде билдирди.
Анын айтымында, ыкчам IT-штабдын маанилүү багыттарынын бири республикалык ыкчам штабдын ишине көмөктөшүү болуп саналат.
«Түзүлгөн кырдаалдан улам комитеттин базасында жеке сектордун катышуусу менен курамына ата мекендик жана жалпы дүйнө жүзү боюнча 400 IT-адисинин башын бириктирген ыкчам IT-штаб уюштурулду. Бул адистер өз ыктыяры менен жана акы төлөнбөгөн негизде иштеп жатышат», — деди Догоев.