Жыйырмага чукул дыйкан-фермерлер өкмөт үйүнүн алдына нааразылык акциясына чыкты. Кыргызстандын аймактарынан чогулган дыйкандар лизингге айыл-чарба техникаларын ала албай жатканын айтып даттанды.
Алардын сөзүнө караганда, өкмөт быйыл октябрь айында «Айыл Банк» аркылуу 4,5% насыя берилет деп убада кылган. Дыйкандардын алды лизингге техника алуу үчүн баштапкы төлөмдү төлөшкөн. Бирок, кийин «Айыл Банк» акча жок экенин, насыяны 14% берүүгө даяр экенин билдирген. Дыйкандар 14% өтө эле жогору деп нааразы болууда.
Президент Садыр Жапаров 26-ноябрда Коопсуздук кеңешинин жыйынында УКМКнын башчысы Камчыбек Ташиевге мамлекеттик банктардын дыйкандарга жеңилдетилген насыя бергенин текшерүү тапшырмасын берген.
Мамлекет башчы Эсеп палатасы атайын тапшырманын негизинде мамлекеттик банктарда ревизия, аудит жүргүзгөнүн, анын жыйынтыгы менен дыйкандарга бөлүнгөн насыянын 3% гана аларга жетип жатканы белгилүү болгонун айткан.
Президенттин тапшырмасынан кийин Улуттук коопсуздук боюнча мамлекеттик комитет (УКМК) «Айыл Банктын» ишмердүүлүгүндөгү коррупциялык көрүнүштөрдү текшерип, «Айыл Банк» тарабынан айрым компанияларга өтүмсүз мүлктү күрөөгө коюп, ири өлчөмдөгү насыяларды мыйзамсыз жана туура эмес бөлүп берүү фактылары тастыкталган.
Фактылар боюнча Кылмыш-жаза кодексинин 319-беренесинин 1-бөлүгү («Коррупция») боюнча сотко чейинки өндүрүш иши башталып, тергөө амалдары жүрүп жатат. Иликтөөнүн жыйынтыгы боюнча «Айыл Банктын» жооптуу адамдарынын жана башка жактардын аракеттерине юридикалык баа берилет.
Грузияда “чет элдик агенттер” жөнүндө мыйзамга каршы нааразылык акциясында кармалгандардын баары бошотулду. Бул тууралуу өлкөнүн …
«Айыл Банктын» жамааты аталган банктын төрагасынын мурдагы орун басары Бакыт Асанбаевдин өлүмүнө байланыштуу президент Садыр …
Cаясат талдоочу Марат Казакпаев менен “Айыл банктын” төрагасынын мурдагы орун басары Бакыт Асанбаевдин өлүмүн иликтеген …
18-июндун түнүндө Улуттук коопсуздук мамлекеттик комитеттин убактылуу тергөө абагында өз жанын кыйды делген «Айыл Банктын» …
“Айыл чарбасын каржылоо – 10” долбоору боюнча “Айыл банкка” 1,8 млрд сом бөлүндү. Бул тууралуу …
Президент Садыр Жапаров өзүнүн социалдык тармактагы баракчасына билдирүү калтырып, анда айыл чарба багытында жүргүзүлүп жаткан …
