Кыргызстандык дзюдочу Хайитхон Хусан кызы Кытайда өтүп жаткан Пара Азия оюндарынан алтын медаль утту.
48 килограмм салмакка чейинки категориядагы спортчу финалда япониялык атаандашы Хангаи Шизуканы жеңип, 1-орунду ээледи.
20-октябрдан 30-октябрга чейин Кытайдын Ханчжоу шаарында Азия паралимпиада оюндары өтүүдө. Ага Кыргызстандан спорттун 7 түрүнөн (жеңил атлетика, пауэрлифтинг, теннис, сууда сүзүү, шахмат жана дзюдо) 29 спортчу кеткен.
