Бишкек.07.08.2019.Govori.TV.
«Азаттык» радиосунун кабарчысы Уланбек Эгизбаевдин өлүмүнө байланыштуу сот ишинде бир айлык тыныгуу жарыяланды. Бул тууралуу Ысык-Көл облустук сотунун басма сөз кызматы кабарлады.
7-августка белгиленген сот отуруму соттолуучулардын бири келбегенине байланыштуу болбой калды. Кийинкиси сентябрдын ортосунда өтөрү айтылды.
Отурумга катышпаган соттолуучу 16-июлда көз жарган. Анын адвокаты ымыркайы торолгончо териштирүүнү убактылуу токтото турууну өтүнгөн.
Уланбек Эгизбаевдин өлүмүнө байланыштуу козголгон кылмыш иши 2018-жылдын ноябрь айында сотко өткөн. Ички иштер министрлиги (ИИМ) «Эгизбаев сууга чөгүп каза болгон жана ал эс алган пансионатта коопсуздук эрежелери сакталган эмес» деген тыянакка келген. Кылмыш ишинин негизинде эс алуу жайынын эки кызматкери Кылмыш-жаза кодексинин 258-беренеси («Коопсуздук талаптарына жооп бербеген товарларды чыгаруу же сатуу, иштерди аткаруу же кызмат көрсөтүү») боюнча соттолууда.
Уланбек Эгизбаев 2018-жылы 22-июлда Ысык-Көлдөгү «Акун» пансионатында эс алып жүргөн кезде сууга чөгүп, күтүүсүз каза болгон.
Булак: Азаттык.
Бүгүн, 12-февралда Бишкекте иликтөөчү журналист Уланбек Эгизбаевди эскерүү иш-чараларынын алкагында «Чындык» аттуу форум өтүп жатат. …
Биз бир топ маселелерде жер карап калдык, мен уялам! Мындай пикирин Кыргызстандын мурунку президенти Роза …
Бишкек.12.04.2019.Govori.TV. Бишкекте Уланбек Эгизбаев атындагы көчө пайда болду. Бул тууралуу Каниет Жыргалбеков фейсбуктагы баракчасына жазды. …
Бишкек.09.11.2018.Govori.TV. «ГовориТВ» агенттигинен жаңылыктар түрмөгү: Атамбаев жаңы саясаттан ордун таба алдыбы? Санкт-Петербургдагы курулушта кыргыз жараны …
