Екатеринбург шаарында 20 жаштагы кыргызстандык жарандын сөөгүн Седова көчөсүндө жайгашкан көп батирдүү үйдүн алдынан 7-декабрда табышты. Бул тууралуу россиялык ЖМКлар жазып чыкты.
Алгачкы маалыматка караганда, жигит 16-кабаттан секирип кеткен.
«Кыргызстандык 2019-жылы Екатеринбургга жумуш издеп келген. Ал Седова көчөсүндө, агасынын үйүндө жашачу. Анын сөөгү табылаарга чейин бир нече саат мурун жигит туугандарына СМС-билдирүү жөнөтүп, аларды жана сүйлөшкөн кызын абдан сагынганын, чек ара көптөн бери жабык тургандыктан, аларды көрө албай жүргөнүн жазган», — деп жазган маалымат каражаттары.
