Amnesty International эл аралык укук коргоо уюму жана «Акыркы сөз» укук коргоо долбоору Temirov Liveдын соттолгон журналисттерине тилектештигин билдирген жолугушууну Латвиянын борбору Ригада өткөрө турганын билдирди.
Жолугушууда катышуучулар Кыргызстандагы адам укуктарынын абалы жана көз карандысыз ЖМКлардын проблемаларын талкуулашат. Мындан тышкары Temirov Live жана «Айт айт десе» долбоорлорунун журналисттеринин соттогу акыркы сөздөрүн, иликтөөчү журналист жана Temirov Liveдын негиздөөчүсү Болот Темировдун журналист кесиптештеринин азыркы абалы боюнча сөзүн угушат, ошондой эле абакта жаткан журналисттерге тилектештик билдирген открыткаларга кол коюшат.
Эске салсак, 2024-жылдын 16-январында жогоруда аталган долбоорлордо иштеген 11 журналист (Махабат Тажибек кызы, Сапар Акунбеков, Азамат Ишенбеков, Сайпидин Султаналиев, Актилек Капаров, Тыныстан Асыпбеков, Жоодар Бузумов, Максат Тажибек уулу, Жумабек Турдалиев, Айке Бейшекеева жана Акыл Орозбеков) камакка алынып, үйлөрүндө тинтүү жүргүзүлгөн.
Аларга массалык башаламандыктар, бийлик өкүлдөрүнө баш ийбөөгө чакырыктар тууралуу айыптар коюлган.
Арадан бир жылдай убакыттан соң, 2024-жылдын октябрында сот Махабат Тажибек кызын 6 жылга, Азамат Ишенбековду 5 жылга, Айке Бейшекеева менен Актилек Капаровду 3 жылга пробацияга кескен. Калган журналисттер эркиндикке чыгышкан.
Буга чейин дагы Amnesty International эл аралык укук коргоо уюму жана башка эл аралык уюмдар журналисттерди бошотуу боюнча бийликке кайрылган.
Ата-энесинен ажыраган жетим баланын мүлктүк укугу калыбына келтирилди. Бул тууралуу Башкы прокуратурадан билдиришти. Ак-Суу районунун …
Meta корпорациясы мындан ары өзүнө тиешелүү платформаларда — фесбукта, инстаграмда жана микроблогдор сервиси Threadsде фактчекинг …
Кечээ мурдагы вице-премьер министр Дүйшөнбек Зилалиев эч жакка чыкпоо тил каты менен тергөө абагынан бошонгону …
“Сапат” билим берүү мекемеси жаңы жыл алдында Түркиянын “Маариф” фондуна өткөнү боюнча кабар күтүүсүз болгонун …
УКМК кармап кетип абакта отурган адвокат Самат Матцаковго тамак-аш, нан, жылуу жамынгычты да киргизбей жатышканын …
Бишкек шаарынын Свердлов РИИБдин милиция кызматкерлери тарабын алдамчылык фактысы менен шектүү жаран кармалды. Бул тууралуу …
