“Баткенде эл кырылып, өлкөбүздүн кыйыры бүлүнүп атканда Коргоо министри менен Коопсуздук кеңешинин катчысы Рахмондун маңдайында көк чай ичип отурушту. Мындай пикирди коомдук ишмер Эмилбек Каптагаев билдирди.
“Мындан 4 жыл мурда Виолетта Скворцова деген Беларусиялык 19 жаштагы спортсмен кыз жеңил атлетика боюнча өспүрүмдөр арасында Европа мелдешинде биринчи орун алып, сыйлык тапшыруу учурунда Беларусиянын гимни жаңырбай башка гимн ойной баштаганда пьедесталдан түшүп кетиптир. Анын бул жоругу катуу чуу чыгарып, уюштуруучулар гимнди алмаштырып алганы үчүн кечирим сурашып, эртеси сыйлык тапшыруу расмисин кайра өткөрүшүптүр… Ошол окуянын видеосун азыр көрүп деле көзгө жаш аласың, кичинекей кыздын эрдигине суктанасың…
Ошону менен бирге «аттиң ай» деп ээрдиңи тиштейсиң. Ушул кичине кыз жасаганды быйыл биздин генералдар жасай албай коюшпадыбы? Баткенде эл кырылып, үйлөр өрттөлүп, өлкөбүздүн кыйыры бүлүнүп атканда Коргоо министри менен Коопсуздук кеңешинин катчысы ошол Дүйшөмбүдө болчу.
Болгондо дагы Президент Рахмондун маңдайында. Ошол жерден тура калышып, кызыл кыргын үчүн жооп сурап, ОДКБнын катчылыгында бул маселенин талкууланышын, агрессиянын токтотулушун талап кылып, сөздөрү өтпөсө бурулуп чыгып кетүүнүн ордуна мурундарын тердетип көк чай ичип отурушту.
Баатыр күн сайын, саат сайын эле баатырлык кыла бербейт, эрдик мына ошондой тагдыр чечүүчү, кыйчалыш кырдаалда жасалат”, — дейт Каптагаев.
Бүгүн, 18-апрелде айрым чек ара бекеттеринде өтүүгө убактылуу чектөө кирет. Бул тууралуу УКМКнын чек ара …
Кыргызстан менен Кытай чек арасындагы «Торугарт» менен «Эркеч-Там» бекеттери убактылуу жабылат. Бул тууралуу Чек ара …
Бажы кызматынын төрагасынын мурдагы орун басары Райымбек Матраимовго Кылмыш-жаза кодексинин “Мамлекеттик чек арадан мыйзамсыз өтүү” …
Кыргызстан менен Кытайдын чектешкен аймагында жер титирөө катталды. КР Сейсмология институтунун маалыматына ылайык, жер титирөө …
2024-жылдын 4-мартынан 8-мартына чейин Ош шаарында Кыргыз Республикасынын жана Өзбекстан Республикасынын Өкмөттүк делегацияларынын жумушчу топторунун …
Кыргыз Республикасынын УКМК Чек ара кызматынын маалымат жана коммуникация башкармалыгы «Кыргызтелеком» ААК байланыш тармактарында оңдоо-калыбына …
