Түркия президенти Режеп Тайип Эрдоган президенттик шайлоого оппозициядан көрсөтүлүп жаткан Кемал Кылычдароглу менен жолугушкан АКШнын элчисин Анкарада кабыл алуудан баш тартты. Бул тууралуу РИА Новости жазды.
Түркиянын президенттигине жети оппозициялык партиядан көрсөтүлүп жаткан Кемал Кылычдароглу менен жолугуу демилгесин америкалык дипмиссиянын өкүлү Жеффи Флейк көтөргөн.
«Жо Байдендин элчиси Кемал мырза менен жолугууда. Уялбайсыңбы, бир аз ойлонуш керек да. Сен элчисиң. Бул жакта сенин сүйлөшө турган адамың — президент. Ушундан кийин кайсы бетиң менен президентке жолугам деп айтасың? Биздин эшигибиз жабылды, мындан ары бул жакка жол жок. Эмне үчүн? Өз ордун билсин», — деген Эрдоган.
Түркияда президенттик жана парламенттик шайлоо 14-майга белгиленген. Учурдагы президентке негизги оппонент — «Республикалык альянстан» чыккан бирдиктүү талапкер Кемал Кылычдароглу. Мындан тышкары, шайлоого Memleket партиясынын лидери Мухаррем Индже жана Ata альянсынан Синан Оган катышууда.
Шайлоого чейинки изилдөөлөр алдыдагы жарыштын фаворитин аныктай элек, анткен менен эксперттер бийликтеги партия үчүн бул шайлоо кыйла оор болорун божомолдоп жатышат. Буга 50 миң кишинин өмүрүн алган жер титирөөнүн кесепети жана өлкөдөгү оор экономикалык кырдаал себеп болорун айтышууда.
Кыргызстандык суучул Денис Петрашов АКШда өткөн турнирде алтын медаль жеңди. Кыргызстандын суу спортунун түрлөрү боюнча …
2024-жылдын 19-мартында Кыргыз Республикасынын АКШдагы жана Канададагы элчиси Б.Аманбаев америкалык «Space X» компаниясынын глобалдык лицензиялоо …
АКШда Өзбекстандан барган тургун мурдагы аялын атып өлтүрүп, андан соң өз жанын кыйды. Бул тууралуу …
АКШ Кыргыз Республикасынын жарандарына берилген жаңы туристтик жана ишкердик визаларынын мөөнөтүн беш жылдан он жылга …
Кыргызстандын АКШ жана Канададагы элчиси Бактыбек Аманбаев АКШнын Улуттук коопсуздук кеңешинин Борбордук Азия боюнча улук …
Министрлер кабинетинин төрагасы Акылбек Жапаров Америка Кошмо Штаттарынын (АКШ) Кыргызстандагы элчиси Лесли Вигерини кабыл алды. …
