«Эркин Европа/Азаттык» радиосу АКШнын дүйнөлүк медиа агенттигин (USAGM) жана уюмдун кызмат адамдары Кэри Лейк менен Виктор Моралести сотко берди. Буга алардын «Эркин Европа/Азаттык» радиосунун иши үчүн бөлүнгөн, АКШ Конгресси жактырган грантты токтотуу аракетине бөгөт коюп жатканы негиз болду.
Сотко жолдонгон арызда аталган медиага Конгресс бөлгөн каражатты берүүнү токтотуу Конституция баштаган федералдык мыйзамдарды бузары белгиленген.
14-мартта АКШнын президенти Дональд Трамп жети федералдык агенттикте кыскартуу жүргүзүүгө багытталган жарлыкка кол койгон. Анын ичинде «Эркин Европа/Азаттык» радиосунун жана башка федералдык медиа уюмдардын ишин тескеген USAGM до болгон. Мындан көп узабай агенттик бул радиого Конгресс жактырган каражат берилбейт деген чечим чыгарганы белгилүү болгон.
«Эркин Европа/Азаттык» радиосунун президенти Стив Капус 15-мартта «гранттык келишимди токтотуу — Американын душмандарына чоң белек болмоктугун» белгиледи.
USAGM – жумасына 360 миллиондон ашык адамга 50гө жакын тилде кабар тараткан жаңылык уюмдарын көзөмөлдөгөн АКШнын көз карандысыз өкмөттүк агенттиги.
Булак: Азаттык.
Жогорку Кеңештин депутаттык мандатынан ажыратылган Султанбай Айжигитов Борбордук шайлоо комитетине (БШК) каршы доо арыз менен …
АКШнын Глобалдык медиа агенттиги (USAGM) «Азаттык» радиосуна грантын убактылуу узартты, деп айтылат агенттиктин билдирүүсүндө. Вашингтондогу …
АКШнын Глобалдык медиа агенттиги (USAGM) Конгресс тарабынан бөлүнгөн каражаттын бир бөлүгүн «Эркин Европа/Азаттык» радиосуна бөлүп …
Чехиянын тышкы иштер министри Ян Липавский 17-мартта европалык кесиптештери менен жолугушууда Дональд Трамптын администрациясы каржылоосун …
Журналисттерди коргоо комитети (CPJ) АКШнын Конгрессин президент Дональд Трамптын жарлыгынан кийин Дүйнөлүк медиа боюнча агенттикти …
АКШ бийлиги «Эркин Европа/Азаттык радиосун» каржылоону токтоткону тууралуу маалыматтар айтылды. Президенттин маалыматтык саясат бөлүмүнун башчысы …
