Бүгүн, 3-февралда Бишкектин Биринчи Май райондук сотунда Кой-Таш окуясы боюнча кармалган бир катар адамдардын баш коргоо чарасынын мөөнөтүн узартуу сунушун караган соттук отурум өткөнү жатат.
Саат 15:00го белгиленген отурум али баштала элек.
Мурдагы президент Алмазбек Атамбаевдин тарапташы Фарид Ниязов, УКМКнын Мамлекеттик күзөт кызматынын мурунку кызматкери Канат Сагымбаев, 7-8-август күндөрү Кой-Таш окуясы боюнча камакка алынган саясатчы Равшан Жээнбековдорду соттук отурумга алып келди деген маалымат бар. Бирок унаада кимдер отурганы азырынча белгисиз.