Диний кастыкты козуткан деген шек менен кармалган Гүлзат Аалиева эки айга үй камагына чыкты. Бул тууралуу анын адвокаты Замир Жоошев билдирди.
Маалыматка караганда,бүгүн, 23-апрелде Бишкектин Биринчи май райондук соту ушундай чечим чыгарган.
«Гүлзат Аалиева 21-июнга чейин үй камагында болот. Ал Фейсбуктагы билдирүүлөрү үчүн кармалгандыктан аны колдонууга тыюу салынды», — деди Жоошев.
Эске салсак, Гүлзат Аалиева 21-апрелде суракка чакырылып, андан кийин убактылуу кармоочу жайга камакка алынган. Шектүүнүн үстүнөн 19-февралда милицияга арыз келип түшкөн. Шаар тургуну аны Фейсбуктагы баракчасы аркылуу диний жана аймактар аралык кастыкты козутууда деп айыптаган. Аталган факт КЖБРга Жазык кодексинин 313-беренеси (Расалык, этностук, улуттук, диний же региондор ортосундагы кастыкты (араздашууну) козутуу) менен катталган.
Ошондой эле Бишкек ШИИББдин кызматкерлери шектүүнү — 1973-жылы туулган А.Г.ны кармап, ал убактылуу кармоочу жайга камакка алынып, тиешелүү экспертизалар дайындалган. Корутундуга ылайык, шектүүнүн билдирүүлөрүндө кайсы бир динге же ал динди тутунган инсанга чагымчылдык кылган, бир динге жана аны тутунган адамдарды кемсинткен белгилер бар экени аныкталган.
Алдамчылыкка шек саналып кармалган Бекзат Өмүрбеков үй камагына чыкты. Маалыматты райондук соттун басма сөз кызматы …
Блогер Батмакан Жолболдуева үй камагына чыгарылды. Бул тууралуу «Азаттык» жазды. Маалым болгондой, Жолболдуеванын бөгөт чарасы …
Журналист Эрмек Аттокуровдун бөгөт чарасы каралып, үй камагына чыгарылды. Маалыматты шаардык соттун басма сөз кызматы …
Кемпир-Абад иши боюнча кармалган саясатчы Бектур Асанов үй камагына чыгарылды. Маалыматты Бишкек шаардык сотунун басма …
Журналист, Nazar news сайтынын ээси Гүлжан Шерипбаева үй камагына чыкты. Бул тууралуу райондук соттун маалымат …
Президент Садыр Жапаровдун иниси Улан Жапаров үй камагына чыгарылды. Бул туураруу Биринчи май райондук сотунун басма …
