Финансы полициясы чет өлкөлүк инвестор — Германиянын “Б.Ф.” деген жаранынын арызы боюнча, өзгөчө ири өлчөмдөгү алдамчылык фактысы боюнча сотко чейинки өндүрүштү баштады. Бул тууралуу мекеменин басма сөз кызматы билдирди.
Анда Жогорку Кеңешинин депутаты Жумалиев Кубанычбек Мырзабекович жана башка адамдар анын ишенимине кирип алып, 200 миң АКШ долларын гана төлөп, 1 миллион АКШ доллар турган жабдууларды алышкан. Белгилүү болгондой, Германиянын “Б.Ф.” деген жараны “А.Ю.К.” ЖЧК менен түзүлгөн контрактка ылайык 1 млн АКШ доллар суммасында минералдык сууну куюучу жабдууларды жөнөткөн, аталган ЖЧКнын директору М.С.М. болуп саналат, ал К.Жумалиевдин жакын тууганы. Андан кийин, К.Жумалиевдин оозеки кайрылуусу боюнча, инвестор тарабынан дагы бир “С.К.” ЖЧКнын дарегине жабдууну жөнөтүлгөн, анын директору дагы депутатка жакындыгы бар адам – Ж.Э.С. болгон.
Бул адамдардын мыйзамсыз аракеттеринин натыйжасында чет өлкөлүк “М.Г.БВ” компаниясына — Германиянын жараны “Б.Ф.” 800 миң АКШ доллары суммасында өзгөчө ири өлчөмдө зыян келтирилген.
«Үстүбүздөгү жылдын 28-январында, Кыргыз Республикасынын Жазык-процесстик кодексинин 98-беренесине ылайык кылмышка шектүү деп, “А.Ю.К.” ЖЧКнын директору М.С.М. кармалып, Бишкек шаардык ички иштер башкармалыгынын убактылуу кармоочу жайына киргизилген»,-деп айтылат маалыматта.
Бүгүн, 2021-жылдын 29-январында, ошондой эле Кыргыз Республикасынын Жазык-процесстик кодексинин 98-беренесине ылайык “С.К.” ЖЧКнын директору Ж.Э.С. кармалды.
Мындан тышкары, 2021-жылдын 29-январында, бул иш үчүн маанилүү болгон алынган буюмдар жана документтер жоголуп, бузулуп же жок болуп кетиши мүмкүн деген кооптонуулар болгонуна байланыштуу, Жумалиевдердин үй-бүлөсүнө таандык университеттин аймагында жайгашкан бул фирмалардын кеңселеринде кечиктирилгис издөө иштери жүргүзүлүп жатат. Учурда тергөө иштери жүрүүдө.
Мамлекеттик салык кызматынын беши инспектору системалуу коррупция боюнча кармалды. Бул тууралуу УКМКнын басма сөз кызматы. …
Бүгүн, 24-апрелде Биринчи май райондук сотунун алдына Кемпир-Абад иши боюнча камакта жаткандардын жакындары чогулушту. Алар …
Бийликти күч менен басып алууга аракет кылган деп издөөдө жүргөн Ташов кармалды. Бул тууралуу УКМКнын …
Ошто опузалап акча талап кылган уюшкан кылмыштуу топтун мүчөлөрү кармалды. Бул тууралуу Ички иштер министрлигинен …
Улуттук коопсуздук мамлекеттик комитети уюшкан кылмыштуу топтун мүчөсү катары каттоодо турган чет элдик жаранды кармады. …
Ошто жөө өтмөктөн эки окуучуну сүзүп качкан айдоочу кармалды. Маалыматка ылайык, кырсык 10-апрелде шаардагы 8-март …
