Шайлоонун жүрүшүндө саат 13:00гө карата жалпысынан тергөөгө 40 маалымат келип түштү. Бул тууралуу бүгүн, 11-июлда Ички иштер министрлигинин өкүлү Султан Макилов брифинг учурунда билдирди
«Анын ичинде Бишкекте 32, Ошто 2, Токмокто 6 маалымат катталды. Катталган фактылар кылмыштар менен жоруктар болуп эсептелет. Кылмыштар Бишкек шаарында 6, жоруктар боюнча Бишкекте 2. Бул фактылар маалыматтык журналга катталып, териштирүү иштери жүрүп жатат», — деди Макилов.