ИИМдин Кылмыш иликтөө башкы башкармалыгынын кызматкерлери айдоочулук күбөлүктү сунуш кылган жарнамаларды социалдык тармактардан байкап калышат. Анда күбөлүк берүүгө тиешелүү маморгандар көрсөтүлбөй, айдоочулук күбөлүк кыска мөөнөттө даяр болору, анын акысы айдоочулук күбөлүктүн категориясына жараша болору көрсөтүлөт. Мындай кызмат 7 миң сомдон 20 миң сомго чейин бааланган.
Укук коргоо кызматкерлери ушундан кийин Кылмыш-жаза кодексинин 209-беренеси (алдамчылык) боюнча кылмыш ишин козгогон. Соцтармактарда мындай маалыматтарды таратып жаткан адамдар аныкталган.
Көрсө, көз боемочулар соцтармактарды активдүү колдонгон 2007-жылы туулган кызга кайрылып, жарнама таратып берүүсүн айтышкан экен. Ар бир жазган жарнамасы үчун кызга 5 миң сомдон төлөп турушкан.
Андан кийин ыкчам кызматкерлер Телеграмдагы ушундай маалыматтарды тараткан аккаунттун ээсин табышкан. Ал 2005-жылы Чүй облусунда туулган, борбордогу ВУЗдардын биринде окуган студент болуп чыккан. Аны кармап тергөө иштерин жүргүзүү үчун милицияга алып келишкен. Бул иш боюнча тиешелүү тергөө иштери жүрүп жатат.
Ушул себептен улам, ИИМ эскертет: айдоочулук күбөлүктү экзамени жок эле беребиз, анын маалыматтарын Жол кыймылынын коопсуздугун камсыздоо башкы башкармалыгынын (ЖКККББ) базасына киригизип беребиз дегендер жалган айтышат. Ошондуктан бардык жарандарды кайдыгер болбоого, ар бир маалыматты талдоого, акча берип коюп алданып калбоого чакырат. Ошондой эле ушул сыяктуу бардык шектүү маалыматтар ички иштер органдарына жеткирилиши керек.
Ички иштер министрлиги (ИИМ) Жогорку Кеңештин мурдагы депутаты Дүйшөн Төрөкуловдун кармалышы боюнча комментарий берди. Маалыматта …
Социалдык тармактарга “75чилердин каты” боюнча сурак берип жаткандардын, анын ичинде Камчыбек Ташиевдин видеосунун тарап кетиши …
Акыркы убактарда соцтармактарда ар кандай чагымчыл билдирүүлөр орун алууда, ошондуктан эскертүү берип коюуну туура көрдүк, …
Акыркы коңгуроо күнүнө карата көзөмөл күчөтүлөт. Бул тууралуу Ички иштер министрлигинен билдиришти. Маалыматка ылайык, бүтүрүүчүлөрдөн …
УКМКнын мурдагы төрагасы Камчыбек Ташиев эч жакка чыкпоо тууралуу кол койдуруу менен бошотулганын 29-апрелде адвокат …
