Ирандын жогорку лидери Али Хаменеи элге кайрылуу жасаганын IRNA агенттиги билдирди.
Хаменеи өз сөзүндө АКШ Иран менен аскерий жаңжалга киришсе орду толгус зыян тарта турганын айтты.
«Иранды, иран элин жана анын тарыхын билген акылдуу адамдар эч качан бул эл менен коркутуу тилинде сүйлөбөйт, анткени иран эли багынып бербейт жана америкалыктар билиши керек, ар кандай аскерий кийлигишүү аларга сөзсүз түрдө орду толгус зыян алып келет», — деди Ирандын жогорку лидери.
Буга чейин АКШ президенти Дональд Трамп Иран тараптан толук жана эч кандай шартсыз багынып берүүнү талап кылган. Ал ошондой эле Ак үй Али Хаменеинин кайда экенин билсе дагы, аны жок кылуу маселесин карай электигин белгиледи.
Буга жооп катары Ирандын жогорку лидери Израилдин өз өлкөсүнө жасаган чабуулун жоопсуз калтырбай турганын билдирди.
13-июнга караган түнү Израил «Көтөрүлүүчү арстан» деп аталган масштабдуу аскердик операциясын баштаган. Израилдин согуштук учактары Ирандын аскердик жана өзөктүк объектилерине сокку урду. Израил бийликтери өлкөнү мүмкүн болуучу коркунучтан коргоо үчүн аракет кылып жатышканын билдирди.
Буга жооп кылып Тегеран «Чындык убада» операциясын баштап, Израилдин аскерий объектилерине сокку урду.
Бүгүн, 26-майда иран тараптын демилгеси менен Кыргызстандын президенти Садыр Жапаров менен Ирандын президенти Масуд Пезешкиандын …
Бүгүн, 14-майда Пекинде Кытайдын төрагасы Си Цзиньпин Кытайга мамлекеттик сапар менен барган АКШ президенти Дональд …
Президент Садыр Жапаров Кыргызстандын Америка Кошмо Штаттарындагы жаңы дайындалган элчиси Эдил Байсаловду кабыл алды. Жолугушуунун …
Кыргыз Республикасынын президенти Садыр Жапаров тиешелүү жарлыкка кол койду. Ага ылайык, Байсалов Эдил Жолдубаевич Кыргыз …
Кыргызстандын гуманитардык жардам кербени учурда Түркмөнстан менен Ирандын чектешкен аймагына жакын Серахс шаарына жетти. Бул …
Тышкы иштер министирлиги 28-февралда жарыялаган билдирүүсүндө «Жакынкы Чыгыштагы кырдаалдын курчушуна жана Ирандын аймагына жасалып жаткан …
