Мамлекеттик каттоо кызматынын мурдагы бөлүм башчысы Насирбек Алмаматовдун ишиндеги прокурор Белек Рыскулов ээлеген кызматынан бошотулду. Бул тууралуу бүгүн, 27-январда Башкы прокуратуранын маалымат кызматы кабарлады.
Насирбек Алмаматовду УКМКнын коррупцияга каршы күрөшүү кызматы 2018-жылы 2-ноябрында кармаган. Чиновникке автотранспортторду каттоодо, автомектептердин окуучулары сынак тапшырганда акча алуу үчүн коррупциялык схема түзүп алган деген айып коюлган.
Бишкектеги Октябрь райондук соту 2019-жылы 25-мартта Алмаматовду 12,5 жылга эркинен ажыраткан. Бишкек шаардык соту кийин өкүмдү жокко чыгарып, ага 3 миллион 300 миң сом айыппул салуу менен эркиндикке чыгарганы белгилүү болгон.
Коррупция беренеси менен кесилген экс-чиновник айып пул төлөп эркиндикке чыгып кеткени коомдо талкуу жараткандан кийин гана Жогорку сот бул ишти кайра караган.
Белгилей кетсек, 24-январда өлкө башчы Сооронбай Жээнбеков Коопсуздук кеңешинин жыйынында Мамкаттоонун мурдагы кызматкери кылмыш жоопкерчилигинен качып кеткендиги үчүн Башкы прокурор Өткүрбек Жамшитовду жана Жогорку соттун төрайымы Гүлбара Калиеваны сынга алган.
УКМКнын мурдагы башчысы Камчыбек Ташиев фигурант болгон иш боюнча сот отуруму жылдырылды. Бул тууралуу адвокат …
Бишкектин Биринчи май райондук соту Жогорку Кеңештин экс-депутаты Эмил Жамгырчиевдин ишин башкы прокурорго кайтарып бергени …
Бүгүн, 30-июнда Бишкек шаарынын Октябрь райондук сотунда журналист Канышай Мамыркулованын ишин кароо уланды. Укук коргоочу …
Бүгүн, 14-майда Октябрь райондук сотунда белгилүү журналист Канышай Мамыркулованын иши боюнча соттук отурум өтмөк. Бирок, …
Аламүдүн районунун прокурору пара талап кылуу фактысы менен кармалды. Бул тууралуу Улуттук коопсуздук мамлекеттик комиттетинен …
Аламүдүн районунун прокурору Жамалбек Сатыбалдиев кармалды. Бул тууралуу Kaktus.media сайты өздүк булактарына таянып жазды. Маалыматка …
