Израилде соттук реформага каршы өтүп жаткан митингдерге катышкандар 500 миңге жетти. Бул сегиз миллионго жакын калкы бар өлкөнүн тарыхындагы эң ири нааразылык акциясы болуп калды.
Беньямин Нетаньяхунун өкмөтү сунуштап жаткан соттук реформага каршы жапырт каршылык акциялары башталганына дээрлик 10 апта болду. Сунушталган реформага ылайык, Жогорку соттун судьяларын иш жүзүндө парламенттик көпчүлүк тандап калат. Өз кезегинде сот өкмөттүн чечимдерин жокко чыгаруу укугунан ажырайт. Митингге чыккан жарандар бул соттордун көз карандысыздыгын толук жоготууга алып келерин билдирүүдө.
Өткөн жылы декабрда Израилдин премьер-министри болуп тандалган Биньямин Нетаньяху акция катышуучуларынын максаты – аны кызматтан кетирүү деп эсептейт. Өзүнүн саясий карьерасында алтынчы жолу премьер-министр болуп шайланып келген Нетаньяхуга каршы коррупция боюнча үч кылмыш иши козголгон. Ал өзү айыптоолорду четке кагып келет.
Нетаньяху соттук реформа бийлик бутактарынын тең салмактуулугун камсыз кылууга мүмкүндүк түзөт деп эсептөөдө. Израил оппозициясы, анын ичинде мурдагы премьер-министр Яир Лапид бул боюнча мыйзам долбоорун толук артка кайтарууну же аны иштеп чыгууга каршы тараптын өкүлдөрүн да катыштырууну талап кылууда.
Президент Садыр Жапаровдун басма сөз катчысы Аскат Алагөзов “Азаттыкка” укук коргоо органдарында башталган реформалардын алкагында …
Кыргызстандын 11 жараны Израилден эвакуацияланды. Бул тууралуу Тышкы иштер министрлигинен билдиришти. Маалыматка ылайык, жарандардын коопсуздугун …
АКШ президенти Дональд Трамп Иран-Израил жаңжалында ок атуу толук токтоп, эки тарап тынчтыкка келишкенин жазды. …
Тышкы иштер министрлиги Жакынкы Чыгыштагы кырдаалга байланыштуу кыргызстандыктарды Иран менен Израилге барбай турууга, ал жакта …
13-июндун кечинде (Бишкек убактысы боюнча 14-июнга караган түнү) Иран Израилге массалык ракеталык сокку урду. Израилдин …
Кыргыз Республикасынын Тышкы иштер министрлиги Израиль менен Ирандын ортосундагы чыңалуунун күчөшүнө терең тынчсыздануусун билдирет. Бул …
