ӨКМдин маалымат кызматы тараткан маалыматка ылайык, бүгүн Бишкек шаарынын Ленин районунун Т.Үмөталиев көчөсүндө жайгашкан көп кабаттуу үйдүн 5-кабатында, терезеде 3 жана 5 жаштагы 2 кичинекей куткарылды.
ӨКМнин 112 кызматына 2 кичинекей кыз көзөмөлсүз жана кооптуу абалда тургандыгы тууралуу маалымат түшкөн.
Бишкек шаардык Куткаруу кызматынын 5 куткаруучусу ыкчам түрдө жерине жетип, наристелерди алып түшүү аракетин көрүшкөн.
Тартылган куткаруучулар 9-кабаттан 5-кабатка атайын альпинисттик шаймандын жардамы менен 2 кызды куткарып калышты.
Алар ИИМ кызматына өткөрүлүп берилген.
Белгилей кетсек, кичинекей кыздар ата-эненин көзөмөлүсүз калган.