Ысык-Көл райондук Санитардык эпидемиологиялык борборунун башкы дарыгери, анын жолдошу жана айдоочусу жол кырсыгында каза болду. Бул тууралуу Ооруларды алдын алуу жана мамлекеттик санитардык-эпидемиологиялык көзөмөлдөө департаментинен билдиришти.
Маалыматка караганда, башкы дарыгер Алина Токтоназарова кызматы боюнча Чолпон-Атадан Балыкчыга чогулушка бара жатып кырсыкка учураган. Райондук санэпидборборун 2021-жылдан тарта башкарып келген.
Үрөй учурган жол кырсыгы кечээ, 27-мартта, Балыкчы — Ананьево — Каракол жолунда болгон. Анда Санэпидемборбордун кызматтык унаасы менен Daimler-Chrysler D312 үлгүсүндөгү унаа кагышып, үч адам көз жумган.