Мыйзамдагы ууру Камчы Көлбаев ден соолугуна байланыштуу №47 түзөтүү абагына которулду. Бул тууралуу бүгүн, 5-ноябрда УКМКнын басма сөз кызматы кабарлады.
Маалыматка караганда, ал УКМКнын абагынан 2-ноябрда которулган.
«Учурда Көлбаевге байланыштуу кылмыш ишти тергөө улантылып жатат»,-деп айтылат маалыматта.
Эске салсак, Көлбаев 22-октябрда Бишкек шаарында кармалып, УКМКнын абагына камакка алынган. Бишкек шаардык соту 3-ноябрда Камчы Көлбаевдин баш коргоо чарасын өзгөртүү жөнүндө даттанууну кароону токтоткон. Көлбаевдин жактоочулары апелляциялык даттанууну кайтарып алышкан.