Биринчи май райондук соту 21-нобярда Жогорку Кеңештин мурдагы депутаты, саясатчы Канат Исаевдин тергөө абагындагы мөөнөтүн дагы бир айга узартты.
«2022-жылдын 21-ноябрындагы токтомуна ылайык, И.К.Кга карата мурда тандалган Кыргыз Республикасынын Улуттук коопсуздук мамлекеттик комитетинин тергөө изоляторуна камакка алуу түрүндөгү бөгөт коюу чарасынын мөөнөтү 2022-жылдын 23-декабрь күнүнө чейин узартылды»,-деп айтылат маалыматта.
Бишкек шаардык соту 10-ноябрда Исаевдин бөгөт чарасын карап, райондук соттун чечимин күчүндө калтырган. Сот жараяны жабык болгон жана анын алдында Улуттук коопсуздук комитети (УКМК) Исаевге козголгон кылмыш ишинде «жашыруун» деген гриф бар экенин маалымдаган, бирок анын чоо-жайын тактаган эмес.
Канат Исаев Кемпир-Абад ишине байланыштуу саясатчы жана активисттер менен катар 23-октябрда кармалган. Биринчи май райондук соту ал 2017-жылы козголгон кылмыш ишинин алкагында убактылуу кармоочу жайга камалганын, тергөө абагында 23-нобярга чейин болорун билдирген. Сот УКМК тергөөчүсүнүн өтүнүчү менен Исаевдин 2018-жылдын октябрында тандалган эч жакка чыкпоо тууралуу жазуу түрүндөгү бөгөт чарасын өзгөрткөн.
2017-жылы Исаев «мамлекеттик төңкөрүш уюштурууга аракет кылган» деген шек менен камалган. Ушул иштин алкагында ал УКМКнын тергөө абагында дээрлик бир жыл отурган. 2018-жылы 18-июлда Бишкек шаардык соту аны үй камагына чыгарган.
11-январда Жогорку Кеңештин мурдагы депутаты, саясатчы Канат Исаев сот залынан бошотулду. Чечимди Бишкек шаарынын Биринчи …
Жогорку Кеңештин экс-депутаты Канатбек Исаев камакта калтырылды. Бул тууралуу Бишкек шаардык сотунан билдиришти. Маалыматка ылайык, …
Саясатчы Канат Исаевдин тарапташтары бүгүн, 10-ноябрда Бишкек административдик сотунун алдына чогулушту. Алар соттун акыйкат чечим …
Бишкектин Биринчи май райондук сотунун басма сөз кызматы мурдагы депутат Канат Исаевдин кармалышы тууралуу маалымат …
Жогорку Кеңештин мурдагы депутаты Канат Исаев Биринчи май райондук сотунун чечими менен бир айга камакка …
Борбордук шайлоо комиссиясы Жогорку Кеңештин учурдагы депутаттары Канат Исаев менен Айнуру Алтыбаева баштаган тогуз адам …
