Биринчи май райондук соту мурунку депутат Каныбек Осмоналиевдин баш коргоо чарасынын мөөнөтүн узартты. Ал камакта 3-июлга чейин боло турганын аталган соттун басма сөз кызматы билдирди.
Осмоналиев 2-мартта «Ала-Тоо» аянтында мурунку депутат Садыр Жапаровду колдоо максатында өткөн митингди уюштурган. Осмоналиев УКМКнын кызматкерлери тарабынан кармалган. Ал Жазык кодексинин 309-беренеси (бийликти күч менен тартып алууга аракет кылуу) боюнча айыпталып жатат.
