Бишкек.21.03.2019.Govori.TV.
Жалал-Абад облусу, Чаткал районунун Ала-Бука-Жаңы-Базар-Кировка унаа жолунун 88-101-чакырым аралыгында (Рават тилкеси) көлөмү болжол менен 6000м3 кар көчкү түштү. Бул тууралуу ӨКМнин басма сөз кызматы билдирет.
Натыйжада көчкү №27 ЖТИнин 1 бульдозерин басып калган, айдоочу жабыркаган эмес. Унаа жол убактылуу жабылган.
Жерине №27 ЖТИден 1 жүктөгүч, 10 кызматкер жана КР ӨКМнин Чаткал райондон 3 куткаруучу тартылып, саат 18:30да кар көчкүнүн алдында калган бульдозер чыгарылып, жол бир тараптуу ачылган.
Унаа жолду кеңейтип тазалоо иш-чаралары жүргүзүлүп, түн киргендигине байланыштуу саат 19:40та жумуш убактылуу токтотулган. 22-март күнү иш-чаралар улантылат.