Кара-Суудагы жаңы мектептеги жаракаларды сүрөткө тарткан журналисттер орто жолдо калышты

Бишкек.15.11.2018.Govori.TV.

14-ноябрь күнү Ош облустук капиталдык курулуш башкармалыгы аймактардагы курулуп бүткөн социалдык объектилер менен тааныштыруу учурунда журналисттерди орто жолго таштап кетишти.

Аймактык кабарчынын маалыматы боюнча, алгач Кара-Суу районунун Катта-Талдык айыл өкмөтүндөгү Кызыл-Ордо орто мектебине барышып, журналисттер мектептеги кемчиликтерди байкап калып, сүрөткө тарта башташкан. Ош облустук капиталдык курулуш башкармалыгынын башкы адиси Арсланбек Шамырбеков, Мамлекеттик курулуш агенттигинин басма сөз катчысы Айсулуу Исабекова жана алардын айдоочусу журналисттерге «мектептин кемчиликтерин эмнеге тартып жатасыңар?» деп ызы-чуу чыгарышкан. Жыйынтыгында журналисттерди «өзүңөрдүн унааңар менен кеткиле» деп ара жолго таштап кетишкен.

Журналисттердин айтымында, жаңы эле пайдаланууга берилген мектептин имаратында жаракалар даана байкалат.
Ал эми аталган мектептин директору Бектемир Турдазиев билдиргендей, мектептин имаратынын 7-8 жеринен жаракка кеткен.

«Биздин мектеп 286 орунга ылайыкталган. Ал сентябрь айында пайдаланууга берилди. Мектептин окуу корпусунун 7-8 жеринде жарака бар. Мен мектептин ачылышына чейин эле Ош облустук капиталдык курулуш башкармалыгындагы башкы адис Асылбек Жамшитовго жаракалар боюнча кайрылгам. Бирок алар «бул температурный шов» деп гана түшүндүрүштү», — деди ал.

Аталган мектептин тендердик баасы 62 млн сом болгон. Учурда 59 млн сомдук иш аткарылган. Мектепти «Памир жолу» курулуш компаниясы курган.

Ал эми мамлекеттик курулуш агенттигинин басма сөз катчысы Айсулуу Исабекованын айтымында, журналисттер менен уюштуруучулардын ортосундагы чырга жалданган мекеменин кызматкери (подрядчик) себеп болгон.

«Биз журналисттерге курулуп бүткөн социалдык объектилерди тааныштырып жатканбыз. Мектептин курулушу менен таанышкан учурда подрядчик кызыл кандуулукка алдырып, журналисттер менен уруша кетти», — деди ал.

Булак: Турмуш.кж

Подписаться:

Тема боюнча

Акаев абактагы журналисттерди үй камагына чыгарууну өтүндү

Бүгүн ЖКнын жалпы жыйынында депутат Жанар Акаев абактагы журналисттерди үй камагына чыгарууну сунуштады. Депутат өз …

Кененирээк

Сот журналисттер Бузумов, Султаналиев, Асыпбековду үй камагына чыгарды

Журналисттер Жоодар Бузумов, Тыныстан Асыпбеков, Сайпидин Султаналиев жана «Temirov Live» каналынын мурдагы кызматкери Максат Тажыбек …

Кененирээк

Президент массалык маалымат каражаттарынын жетекчилери менен жолугушту

Кыргыз Республикасынын Президенти Садыр Жапаров бүгүн, 7-мартта, өлкөнүн массалык маалымат каражаттарынын жетекчилери менен жолугушту. Бул …

Кененирээк

Кара-Сууда дүкөндөрдү тоногондор кармалды

Кара-Сууда дүкөндөрдөн уурулук жасагандар кармалды. Бул тууралуу Ош ОИИБнын басма сөз кызматы кабарлады. Маалыматка ылайык, …

Кененирээк

СИЗОдо кармалган 11 журналисттин жакындары бийликке кайрылуу жолдошту

Учурда тергөө абагында олтурган журналисттердин жакындары жана туугандары Кыргыз Республикасынын президенти Садыр Жапаровго, Жогорку Кеңештин …

Кененирээк

Медиа коомчулуктун өкүлдөрү жыйын куруп, бийликке кайрылуу жасады

Бүгүн, 17-январь Бишкекте медиа коомчулуктун өкүлдөрү маалымат жыйын уюштурду. Жыйында Өмүрбек Сатаев, Тамара Валиева, Нурдин …

Кененирээк