Казакстанда жай айларында калк үчүн электр энергиясынын баасы жогорулайт. Бул тууралуу өлкөнүн улуттук экономика министри Алибек Куантыров билдирди.
«Калк үчүн тарифтер жайында жогорулайт деп күтүлүүдө. Бирок биз муну акырындык менен ишке ашырабыз. Тарифтер калкка ылайыктуу болушу керек», – деди министр.
Анын айтымында, тарифтерди болжол менен июнь-июль айларында энерго өндүрүүчү уюмдардын эсебинен жогорулатуу пландалууда.
Ошол эле маалда министр тарифтер канча пайызга көтөрүлөрүн тактап айткан жок. «Тарифтер аймактарга жараша болот. Экибастузда 108 пайызга жогорулатуу жөнүндө айтып жатышат. Биз андайга барбайбыз. Талкуулап, тарифтер калк үчүн ылайыктуу болгудай иш алып барабыз», – деди Куантыров.
Министр тарифтерди эскилиги жеткен түйүндөрдү модернизациялап, бул тармакта иштеген жумушчулардын айлыктарын көтөрүү үчүн жогорулатуу пландап жатканын айтты.
«Бирок жылуулук түйүндөрүн модернизациялоо маселеси тарифтер аркылуу гана чечилбейт. Мында инвестиция менен жоопкерчиликтин бир бөлүгү жылуулук түйүндөрүнүн ээлерине, калганы бюджетке жүктөлүүдө», – деди Куантыров.
Казакстан бийлиги жылуулук үчүн да тарифтерди жогорулатууга ниеттенүүдө. Апрелдин ортосунда президент Касым-Жомарт Токаев аймактардагы Жылуулук электр борборлору (ЖЭБ) жөнүндө айтып жатып, жылуулук үчүн тарифтерди көтөрүү зарыл экенин билдирген.
Астана шаарында Кыргызстандын билим берүү жана илим министри Догдуркүл Кендирбаева казакстандык кесиптеши Гани Бейсембаев менен …
Депутат Балбак Түлөбаев ЖК комитетинин жыйынында президентке кайрылуу жолдоп, электр энергиясын арзандатууну сунуштады. Депутат буга …
Министрлер кабинети май айында электр энергиясына болгон тарифти кайра карап чыгат. Тиешелүү токтом долбоору коомдук талкууга коюлду. …
«Улуттук электр тармагы» ишканасы электр энергиясын керектөөгө чектөө киргизди. Маалыматка караганда, «Улуттук электр тармагы» мындай …
Электр жарыгына тарифти көтөрүүдөн түшкөн каражат тууралуу сөз кылуу азыр эрте. Бул тууралуу бүгүн, 4-мартта …
Казакстанда бөкөндөрдүн санын жөнгө салуу боюнча былтыр башталган иш убактылуу токтотулду. Бул тууралуу өлкөнүн экология …
