Казакстанда камактагы журналист жана жарандык активист Думан Мухаммедкарим үч күндөн бери ачкачылык кармоодо. Бул тууралуу анын адвокаты Галым Нурпеисов билдирди.
«1-мартта Талдыкоргондогу тергөө абагына барып, Думан менен жолугуп чыктым. Ал полициянын кыйноосуна кабылганы боюнча жазган арызын тез арада текшерип, күнөөлүүлөрдү жоопко тартууну, ошондой эле өзүнүн иши боюнча сотту ачык өткөрүүнү талап кылууда», – деди адвокат.
Мухаммедкаримдин апасы Калимаш Рымбеккызы да 1-мартта Талдыкоргонго барып, уулуна жолугуп келгенин билдирди.
«Уулумду өз көзүм менен көрүп келдим. Арыктап, сөөгү эле калыптыр. Аны Конаев шаарындагы соттон Талдыкоргонго чейин люгу ачык автоунаа менен жеткиришкен. Мындан улам ал ооруп калып, ага тамчылатма ийне сайылган. Кийин ачкачылык жарыялаган», – деп билдирди Рымбеккызы «Азаттыктын» казак кызматына.
22-февралда Думан Мухаммедкарим өзүнүн иши боюнча ачык сот процессин талап кылып, ачкачылык жарыялай турганын билдирген. Буга чейинки отурумда судья сот отурумдарын жабык өткөрүү тууралуу прокурордун өтүнүчүн канааттандырган. Журналист жана анын тарапташтары бул чечимге каршы экендиктерин билдиришкен.
Өткөн жылдын июнь айынан бери камакта отурган журналист, активист жана Ne Deydi YouTube-каналынын автору Думан Мухамметкаримдин иши боюнча сот процесси 12-февралда башталган. Ага «Тыюу салынган уюмдун ишине аралашуу» жана «Экстремизмди каржылоо» беренелери боюнча айып тагылган. Буга журналисттин бозгундагы банкир Мухтар Аблязовдон алган маеги себеп болгон. Адвокаттын айтымында, видеодо Аблязовдун адвокаты үчүн акча топтолуп жаткан эсептер көрсөтүлгөн.
Мухаммедкарим айыптоолорду четке кагып, тергөөнүн жана соттун жүрүшүндө укуктары бузулганын билдирип келет. Эгер журналист бул беренелер боюнча күнөөлүү деп табылса тогуз жылга чейин эркинен ажыратылышы мүмкүн.
Орол шаарын селден коргоо үчүн Батыш Казакстан облусуна кошумча күчтөр жөнөтүлүүдө. Бул тууралуу 22-апрелде казак …
Президент Садыр Жапаровдун 18-19-апрелде Астана шаарына (Казакстан Республикасы) болгон расмий сапары аяктады. Астананын эл аралык …
Президент Садыр Жапаров бүгүн расмий сапар менен Казакстанга учуп кетти. Бул тууралуу президенттин маалымат кызматынан …
Нурсултан Назарбаевдин фонду ири суу ташкындарынын кесепеттерин жоюу боюнча өлкө бийлигинин аракеттерин бардык жактан колдоп …
Президент Садыр Жапаров Казакстандын президенти Касым-Жомарт Токаевдин чакыруусу боюнча 18-19-апрелде Казакстанга расмий сапары менен барат. …
Казакстандын президенти Касым-Жомарт Токаев үй-бүлөлүк зомбулук үчүн жоопкерчиликти күчөткөн мыйзамга кол койду. Ага ылайык, аялдарга …
