Казакстандын Каржы мониторинг агенттиги ведомство кызматкерлеринин казиного барганы тууралуу маалымат боюнча кызматтык териштирүү баштады. Бул тууралуу КазТАГ агенттиги билдирди.
“Этика кодекси бузулганы аныкталса, кызматкерлердин аракетине укуктук баа берилип, тиешелүү чара колдонулат”, -деп айтылган агенттиктин билдирүүсүндө.
Буга чейин соцтрамактарда Алматы облусунун прокуратурасына шилтеме жасоо менен тараган маалыматта 305 аткаминер казинодо 507 миллион теңге уттуруп жибергени кабарланган.
Документке ылайык, казино ойногондордун арасында Ички иштер министрлигинин — 97; Коргоо министрлигинин — 95; Каржы министрлигинин— 25; Жогорку соттун — 7; Каржы көзөмөлү агенттигинин — 15; Коррупцияга каршы агенттиктин — 3, жергиликтүү аткаруу органдарынын — 36 жана башка органдардын — 27 кызматкери болгон.
Коррупцияга каршы кызмат кызматкерлери казиного барганын ырастады.
Бул арада Жогорку сот өз кызматкерлеринин арасында кумар оюнун сүйгөндөр бар экенин четке какты.
Казакстанда мамлекеттик кызматкерлердин Этикалык кодекси бар. Ага ылайык, кызматкерлерге мамлекеттик кызматтын кадыр-баркын түшүргөн иштерди жасоого, анын ичинде оюн-зоок жайларына барууга тыюу салынган.
Казакстанда ири суу ташкындары башталгандан бери 99 869 адам, анын ичинде 36 591 бала эвакуацияланды. …
Казакстан расмий түрдө UTC+5 бирдиктүү убакыт алкагына өттү. Буга чейин ага өлкөнүн батыш аймактары: Батыш …
Казакстандын президенти Касым-Жомарт Токаев өлкөнүн Улуттук банкынын башчысы Галымжан Пирматовду кызматтан алды. «Казатомпром» компаниясынын башкармалыгынын …
Казакстандагы уюшкан кылмыштуу топтун издөөдө жүргөн мүчөсү Бишкектин аймагынан кармалды, деп билдирет УКМКнын басма сөөз …
Костанайда төрт адамдын өмүрүн алган курал-жарак дүкөнүндөгү жарылуу боюнча сот өкүмү чыкты. Бул тууралуу жергиликтүү …
Казакстанда юрист жана «Эл коррупцияга каршы» коомдук бирикмесинин жетекчиси Аслан Утепов 21-майдан тарта «кургак» ачкачылык …
