Казакстандын Ички иштер министрлиги (ИИМ) өлкөгө келген орус жарандары көбөйгөнүн билдирди.
ИИМ башчысынын орун басары Марат Кожаевдин айтымында, Орусиядан келгендердин арасында убактылуу жашоого уруксат сурагандар көп болгондуктан, миграциялык процесстер көзөмөлгө алынды.
Парламентте маалымат берген вице-министр буга чейин бир кварталда убактылуу жашоого уруксат сураган 350-400 арыз түшсө, бүгүнкү күндө мындай арыз менен кайрылгандардын саны 1055ке жеткенин кошумчалады.
ИИМдин маалыматына караганда, 1-январдан бери Казакстанга 457 миң чет өлкөлүк келген, алардын көбү Өзбекстандын жана Орусиянын тургундары. Кожаев 24-февралдан 11-апрелге чейин 130 миң орусиялык кирип, 120 миңден көбү чыгып кеткенин, былтыркы жыл менен салыштырганда бул эки эсеге көп экенин, ошол эле маалда пандемия учурунда чек аралар жабык турганын белгиледи.
«Ушу тапта казак жергесинде орусиялык 130 миң киши жүрөт, жыл башынан бери орусиялык 170 жана украиналык жети киши жарандык сурап кайрылган, былтыркы сандар дээрлик ушундай эле болчу», — деп тактады вице-министр.
Казакстанда ири суу ташкындары башталгандан бери 99 869 адам, анын ичинде 36 591 бала эвакуацияланды. …
Казакстан расмий түрдө UTC+5 бирдиктүү убакыт алкагына өттү. Буга чейин ага өлкөнүн батыш аймактары: Батыш …
Казакстандын президенти Касым-Жомарт Токаев өлкөнүн Улуттук банкынын башчысы Галымжан Пирматовду кызматтан алды. «Казатомпром» компаниясынын башкармалыгынын …
Казакстандагы уюшкан кылмыштуу топтун издөөдө жүргөн мүчөсү Бишкектин аймагынан кармалды, деп билдирет УКМКнын басма сөөз …
Костанайда төрт адамдын өмүрүн алган курал-жарак дүкөнүндөгү жарылуу боюнча сот өкүмү чыкты. Бул тууралуу жергиликтүү …
Казакстанда юрист жана «Эл коррупцияга каршы» коомдук бирикмесинин жетекчиси Аслан Утепов 21-майдан тарта «кургак» ачкачылык …
