Казакстандын Ички иштер министрлиги (ИИМ) журналисттерге кол салууну уюштурууга шектүү адам кармалганын билдирди.
Мекеменин маалыматына караганда, шектүү Клебанов (Маневич) Аркадий Сергеевич аттуу Казакстандын жараны. Ага «Журналисттин ишмердүүлүгүнө тоскоолдук кылуу», «Опузалоо», «Жеке жашоонун кол тийбестигин бузуу», «Башка бирөөнүн мүлкүн атайылап зыянга учуратуу» жана «Бейбаштык» беренелери боюнча айыптар тагылып, тергөө аяктаганга чейин камакка алынды. Сурак маалында шектүү күнөөсүн мойнуна алган көрсөтмөлөрдү бергени кабарланууда.
«Ал журналисттерге кол салууларды өз алдынча уюштурганын, анткени аларга көптөн бери жеке дооматтары болгонун айтты. Кылмыштуу пландарын ишке ашыруу үчүн ал аткаруучуларды жана хакерлердин тобун жалдаган. Алардын акысын криптовалютадан түшкөн акча менен төлөп берген», – деп жазды Polisia.kz сайты.
«Власть» басылмасы шектүү казакстандык олигархтардын биринин тууганы экенин жазды.
Февралдын аягында Казакстандын ИИМи журналисттерге «кол салуунун уюштуруучусу» кармалып, анын «төрт шериги» аныкталганын кабарлаган. Анда алардын бешөө тең башка өлкөнүн жарандары экени айтылган.
21-февралда полиция Алматы жана Астана шаарларында «журналисттерге кол салган» деген шек менен 18 адам кармалып, 20 кылмыш иши козголгонун билдирген.
Соңку жарым жылда Казакстанда журналисттерге чабуул жасалган учурлар көбөйгөн.
Президент Садыр Жапаровдун 18-19-апрелде Астана шаарына (Казакстан Республикасы) болгон расмий сапары аяктады. Астананын эл аралык …
Президент Садыр Жапаров бүгүн расмий сапар менен Казакстанга учуп кетти. Бул тууралуу президенттин маалымат кызматынан …
Нурсултан Назарбаевдин фонду ири суу ташкындарынын кесепеттерин жоюу боюнча өлкө бийлигинин аракеттерин бардык жактан колдоп …
Президент Садыр Жапаров Казакстандын президенти Касым-Жомарт Токаевдин чакыруусу боюнча 18-19-апрелде Казакстанга расмий сапары менен барат. …
Казакстандын президенти Касым-Жомарт Токаев үй-бүлөлүк зомбулук үчүн жоопкерчиликти күчөткөн мыйзамга кол койду. Ага ылайык, аялдарга …
Атырау облусунун Күлсары шаарында 6-апрелден бери дайынсыз болуп жаткан 48 жаштагы Болатбек Ермекбаевдин сөөгү табылды. …
