Батыш Казакстан облусундагы жол кырсыгында өзбекстандык үй-бүлөнүн үч мүчөсү каза болду. Бул тууралуу жергиликтүү полиция башкармалыгы билдирди.
Мекеменин маалыматына караганда, кырсык 20-январда кечке жакын Орол-Атырау трассасынын Акжайык районундагы бөлүгүндө болгон. Өзбекстандын 41 жаштагы жараны башкарып бараткан Mazda CX-7 үлгүсүндөгү автоунаа каршы тилкеге чыгып, жүк ташуучу унаа менен сүзүшкөн.
Жыйынтыгында жеңил унаанын айдоочусу жана андагы 39 жаштагы аял менен 11 жаштагы бала дароо мүрт кеткен. 14 жаштагы дагы бир бала жаракаттары менен ооруканага жеткирилди.
Маалыматтар боюнча, алардын баары өзбекстандык бир үй-бүлөнүн мүчөлөрү болушкан. Учурда кырсык боюнча тергөө иштери башталды.
Ошол эле күнү кечинде Казакстандын батышында катталган жол кырсыгында Өзбекстандын дагы бир жараны каза болду. Атырау – Астрахан трассасында Chevrolet Cobalt автоунаасын айдап бараткан 31 жаштагы өзбекстандык рулду башкара албай, Mercedes Benz Actros жүк унаасы менен кагышкан. Жыйынтыгында 41 жаштагы өзбекстандык аял каза болуп, дагы эки жүргүнчүгө медициналык жардам көрсөтүлгөн.
Казакстанда сел каптап, дарыялар ташыган аймактардан эвакуацияланган 38,5 миң киши үйлөрүнө кайтты. Бул тууралуу 29-апрелде …
Орол шаарын селден коргоо үчүн Батыш Казакстан облусуна кошумча күчтөр жөнөтүлүүдө. Бул тууралуу 22-апрелде казак …
Президент Садыр Жапаровдун 18-19-апрелде Астана шаарына (Казакстан Республикасы) болгон расмий сапары аяктады. Астананын эл аралык …
Президент Садыр Жапаров бүгүн расмий сапар менен Казакстанга учуп кетти. Бул тууралуу президенттин маалымат кызматынан …
Нурсултан Назарбаевдин фонду ири суу ташкындарынын кесепеттерин жоюу боюнча өлкө бийлигинин аракеттерин бардык жактан колдоп …
Президент Садыр Жапаров Казакстандын президенти Касым-Жомарт Токаевдин чакыруусу боюнча 18-19-апрелде Казакстанга расмий сапары менен барат. …
