Казакстан президенти Касым-Жомарт Токаев өлкөдө азык-түлүк кымбаттап, кант тартыштыгы өкүм сүрүп жаткан маалда соода жана интеграция министри Бакыт Султановду кызматтан алды.
Бир ай мурун өкмөт жыйынында Токаев кумшекерге байланыштуу абалдан улам Бахыт Султанов менен айыл чарба министри Ербол Карашукеевге сөгүш жарыялаган. Бахыт Султанов кийинчерээк ЖМКларга берген маегинде президенттин сыны “өтө туура” экенин айткан.
Ошол эле маалда Султанов “кумшекер импорттук товар, кааласак-каалабасак да баасы өсөт” деп билдирген.
Казакстанга канттын 90% чет өлкөдөн, анын ичинен 70% Орусиядан келет.
Казакстанда кумшекердин баасы Украинадагы согушка байланыштуу Батыш өлкөлөрү Орусияга санкция салгандан кийин кымбаттап кеткен. Май айында жергиликтүү басылмалар айрым аймактарда кумшекер тартыш болуп жатканын кабарлашкан. Мындан соң социалдык дүкөндөрдө бир кишиге бир килограммдан ашык кумшекер сатууга тыюу салынган. Чектөө базарларда да байкала баштаган. 26-июлда өткөн брифинг учурунда Бахыт Султанов “кант колдонбой турганын, чайды бал менен ичерин” айткан.
Соода жана интеграция министринин милдетин аткаруучу болуп атаандаштыкты коргоо жана өнүктүрүү агенттигинин төрагасы Серик Жумангарин дайындалды.
Казакстандын Актөбө облусунда жайгашкан Жанажол кениндеги газды кайра иштетүүчү заводдо чыккан өрттөн жабыркаган эки жумушчу …
Бүгүн, 8-сентябрда мурдагы элчи, коомдук ишмер Азимбек Бекназаров Кыргызстандагы акыркы саясий кырдаал боюнча маалымат жыйын …
Тажикстандын билим берүү жана илим министри Мухаммадюсуф Имомзода 21-февралда кызматынан бошотулду. Бул тууралуу «Озоди» радиосу …
Социалдык түйүндөрдө Жамааттык Коопсуздук Келишими Уюмунун (ЖККУ) алкагындагы макулдашылган миссия менен Казакстандын аймагына барган тажик …
Ош шаарында студенттердин үгүт иш-чараларына катышкандыгы үчүн билим берүү министри Болот Купешевге, Ош шаарынын мэри …
Президент Садыр Жапаров кол койгон Жарлыкка ылайык, Апенов Таалайбек Бекболотович Кыргыз Республикасынын президентинин администрациясынын Ырайым …
