Кыргызстандын жаңылыктары Govori.TV
Учур чак
Кемпир-Абад ишине 1 жыл. Жапырт кармалгандардын канчасы камакта?

Кемпир-Абад ишине 1 жыл. Жапырт кармалгандардын канчасы камакта?

23 Тогуздун айы 2023 16:00 Бишкек Govori.TV

Кыргыз-өзбек чек арасындагы Кемпир-Абад суу сактагычынын жери Өзбекстанга өтүп жатканына каршы пикирин ачык билдирген 27 саясатчы, активист жана блогер 2022-жылы октябрда кармалып, УКМКнын абагына киргизилген.

Азыркы учурда кармалгандардын ичинен 11 адам тергөө абагында отурат. Алардын камакта калуу мөөнөтүн Биринчи Май райондук соту тарабынан узартылып келет.

Ал эми калган 16 адам түрдүү жагдайда үй камагына чыккан.

Мамбетжунус Абылов — үй камагында.
Акылбек Айтбаев – үй камагында.
Айданбек Акматов — УКМКнын тергөө абагында.
Нурлан Асанбеков — үй камагында.
Бектур Асанов — УКМКнын тергөө абагында.
Марат Баязов — УКМКнын тергөө абагында.
Атай Бейшенбек – үй камагында.
Азимбек Бекназаров — УКМКнын тергөө абагында.
Эрлан Бекчороев — үй камагында.
Айбек Бузурманкулов — УКМКнын тергөө абагында.
Гүлнара Джурабаева — үй камагында.
Кеңешбек Дүйшебаев — УКМКнын тергөө абагында.
Равшан Жээнбеков — УКМКнын тергөө абагында.
Кубанычбек Кадыров- УКМКнын тергөө абагында..
Рита Карасартова — үй камагында.
Чынгыз Капаров — үй камагында.
Таалайбек Мадеминов — үй камагында.
Улукбек Маматаев — үй камагында.
Темир Махмудов — УКМКнын тергөө абагында.
Жеңиш Молдокматов- УКМКнын тергөө абагында..
Орозайым Нарматова — үй камагында.
Асия Сасыкбаева — үй камагында.
Клара Сооронкулова — үй камагында.
Перизат Суранова — үй камагында.
Али Шабдан – үй камагында
Ильгиз Шаменов — УКМКнын тергөө абагында..
Талант Эшалиев – үй камагында.

Кошумчалай кетсек, айыпталуучулардын бөгөт чарасын кароочу соттук отурум 25-октябрга жылдырылган. Иш сегиз айлык тергөөдөн кийин июнь айында сотко өткөн болчу, алардын иши сотто жабык каралууда. Себеби, Ички иштер министрлигинин (ИИМ) Тергөө башкармалыгы ага “жашыруун” грифин койгон.

Эске салсак, 2022-жылдын 22-октябрында Кемпир-Абад суу сактагычын колдоо комитети түзүлгөн. Анын курамына активисттер, саясатчылар жана парламент депутаттары кирген. Ошол эле күнү президент Садыр Жапаров “Кабар” агенттигине берген маегинде Кемпир-Абаддагы митингдердин, жөө жүрүштөрдүн артында кимдер турганы боюнча бийликте маалымат бар экенини айткан.

Ал эми 23-28-октябрда Кыргызстанда оппозициялык маанайдагы бир топ саясатчы, укук коргоочу, активист жана блогер жапырт кармалган.

Милиция камалгандарга “бийликти басып алууга аракет кылган” деген айып койгон. Иш Кылмыш-жаза кодексинин “Жапырт башаламандык уюштурууга аракет көрүү”, “Бийликти күч менен басып алууга даярдык көрүү” беренелеринин негизинде козголгон. Шектүүлөр мунун баарын саясий куугунтук катары сыпаттап келишет.

Теги: