Бишкек.18.10.2018.Govori.TV
17-октябрда Кыргыз Республикасынын президенти Сооронбай Жээнбеков XVIII Азияда оюндарында жеңишке жеткен спортчуларды жана машыктыруучуларды сыйлап, аларды жеңиши менен кызуу куттуктады. Бул тууралуу КРнын президентинин расмий сайты маалымат таратты.
Мамлекет башчысы кайрадан салтанаттуу маанайда жолугушуу чоӊ кубаныч тартуулап жатканын белгилеп, кыргызстандыктар эки ай мурда спортчуларды Индонезиядагы Азия оюндарына жакшы тилектер менен узатканын эске салды.
«Мекенибиздин 20 спорт чебери байгелүү орундарды жеңип алып, мамлекетибиздин желеги эл аралык аренада желбиреди. Кыргызстандык спортчулар өлкөбүздүн тарыхында биринчи жолу 3 алтын, 5 күмүш, 12 коло медалга ээ болуп, мамлекетибиздин кадыр-баркын бийик көтөрдү. Сиздердин жеңиштер менен жалпы Кыргызстан эли сыймыктанат!», — деди Сооронбай Жээнбеков.
Президент алгачкы алтын медалды жеңип алган Төрөкан Багынбай уулуна, алтын жана күмүш медалга жетишкен Дарья Масловага, ар бир таймашында өлкөбүздүн атын улам даңазалап келе жаткан Айсулуу Тыныбековага өзгөчө ыраазычылык билдирди.
Ошону менен бирге эң жаш спортчу — 19 жаштагы Акжол Махмудовго токтолуп, кыргызстандыктар андан алдыдагы олимпиадалык оюндарда жеңишке жетет деп ишеним артып жатканын баса белгиледи.
«Кыргызстанда эл спортту жакшы көрүп, спорт менен машыгып жүргөн жаштарыбыз көп болгону бизди кубандырат. Биз жеңишке умтулган спортчуларыбызды ар дайым ардактап алууга даярбыз талбаган эмгек менен машыгууларды улантыңыздар!», — деп үндөп келип, Президент Сооронбай Жээнбеков спортчуларга, аларды коштоп, дем берген бардык адамдарга — машыктыруучуларга, врачтарга ыраазычылык билдирди.
Эске салсак, Президент Сооронбай Жээнбеков XVIII Азия оюндарында жетишкен ийгиликтери үчүн айрым спортчуларды жана машыктыруучуларды мамлекеттик сыйлыктар менен сыйлоо жөнүндө Жарлыкка кол койгон.
«Даңк» медалы менен джиу-джитсу боюнча улуттук курама команданын мүчөсү Төрөкан Багынбай уулу, грек-рим күрөшү боюнча улуттук курама команданын мүчөсү Каныбек Жолчубеков, жеңил атлетика боюнча улуттук курама команданын мүчөсү Дарья Маслова, эркин күрөш боюнча улуттук курама команданын мүчөсү Магомед Мусаев, аялдар күрөшү боюнча улуттук курама команданын мүчөсү Айсулуу Тыныбекова сыйланышты.
Бир катар машыктыруучулар жана Кыргыз Республикасынын Өкмөтүнө караштуу Жаштар иштери, дене тарбия жана спорт боюнча мамлекеттик агенттигинин кызматкерлери «Кыргыз Республикасынын дене тарбиясына жана спортуна эмгек сиңирген кызматкер» деген ардактуу наамга жана Кыргыз Республикасынын Ардак грамотасына татыктуу болду. Мындан тышкары спортчуларга, машыктыруучуларга жана врачтарга Өкмөт тарабынан бөлүнгөн 125 000 сомдон тартып 2 миллион сомго чейинки акчалай сыйлыктар тапшырылды.
Жогорку Кеңештин бир катар депутаттары мамлекеттик сыйлыктарды алды. Наамды бүгүн президент Садыр Жапаров мамлекеттик резиденцияда …
Кыргызстандагы «МедиаХаб» иликтөө тобунун жетекчиси, журналист Али Токтакунов АКШнын Мамлекеттик департаментинин “Коррупцияга каршы күрөштүн күжүрмөнү” …
Министрлер кабинетинин төрагасынын орун басары Эдил Байсалов КР президентинин жана министрлер кабинетинин атынан Ханчжоу (Кытай …
8-Түрк дүйнөсү даректүү тасмалар фестивалынын сыйлыктарын тапшыруу аземи Анкарада өттү. Фестивал жарыялангандан бери 23 өлкөдөн …
Россия Федерациясынын президенти Владимир Путин Кыргызстандын президенти Садыр Жапаровду Ардак ордени менен сыйлоо жөнүндө жарлыкка …
Кыргыз Республикасынын Президенти Садыр Жапаров бүгүн, 12-сентябрда, өлкө жана эл алдында сиңирген эмгеги үчүн мамлекеттик …
