Коңшу өлкөдөн аткезчилик жол менен алынып келинген унаа кармалды. Бул тууралуу КР Улуттук коопсуздук мамлекеттик комитетинин басма сөз кызматы билдирди.
Маалыматка ылайык, КР Улуттук коопсуздук мамлекеттик комитети тарабынан КР аймагында аткезчилик ишмердүүлүгүн аныктоо жана бөгөт коюу боюнча жүргүзүлгөн ыкчам иш-чаралардын алкагында, автотранспорт каражаттарын мыйзамсыз ташып келүүнүн туруктуу каналы токтотулду.
2022-жылдын 18-мартында КР УКМК тарабынан КР мамлекеттик чек арасын мыйзамсыз кесип өтүү фактысы боюнча Лейлек районунун Достук айылынын А.Д. аттуу тургунунун башкаруусунда чек арадан алып өтүүнүн мыйзамдуулугун тастыктаган тиешелүү документтери жок “Тойота Камри” үлгүсүндөгү автоунаа кармалган.
Сурак учурунда унаанын ээси А.Д. бул машинаны коңшу мамлекеттин жаранынан алганын айтып, автотранспортко укукту аныктоочу документтери жок экенин тастыктаган.
Аталган факты боюнча үстүбүздөгү жылдын 29-мартында КР Кылмыш-жаза кодексинин 231-беренесинин («Экономикалык контрабанда») негизинде кылмыш иши козголгон.
Белгилей кетсек, келип түшкөн маалыматтар боюнча, буга чейин ондогон автоунаалар Кыргызстандын аймагына ушундай эле жол менен бажы жана башка төлөмдөрдү төлөбөстөн алынып келинген, алдын ала маалыматтар боюнча мамлекетке 4,5 млн сомдон ашык зыян келтирилген.
Азыркы учурда бул багытта кошумча иликтөө иштери жүрүп жатат.
Жогорку Кеңештин мурдагы депутаты Камчыбек Жолдошбаев келтирилген зыяндын ордун толук төлөп берди. Бул тууралуу УКМКнын …
Адам органдарын мыйзамсыз сатуу менен алектенген трансулуттук топтун ишмердүүлүгүнө бөгөт коюлду. Бул тууралуу УКМКнын басма …
Бишкек шаарынын Ленин райондук ИИБнин иликтөө кызматынын тергөөчүсү пара талап кылуу фактысы менен кармалды. Бул …
Борбор калаанын вице-мэри Максатбек Сазыкулов мыйзамсыз курулган коммерциялык объектилерди калкалаганы үчүн кармалды. Бул тууралуу УКМК …
Сокулук районундагы мунапыстагы жер тилкелерин мыйзамсыз сатуу менен алектенген “Жер мафиясынын” мүчөсү кармалды. Бул тууралуу …
Улуттук коопсуздук мамлекеттик комитети Кыргызстанда синтетикалык баңгизаттарды таратуу фактылары көбөйгөнүн маалымдады. Азыркы учурда, комитет бүткүл …
