Бишкек. 21.12.2018. Govori.TV
Кочкор районунда болгон жол кырсыгында каза болгондор жубайлар экендиги белгилүү болду. Бул тууралуу Нарын ОИИБнан кабарлашты.
Маалыматка ылайык, 19-декабрда Бишкек-Нарын-Торугарт жолунун 205-чакырымында Ауди 100 үлгүсүндөгү унаа КамАЗ менен сүзүшүп эки киши каза болуп, бир адам жаракат алган.
«Жол кырсыгынан улам Ак-Талаа районунун Баетов шаарынын тургундары 1949-жылы төрөлгөн А.К. жана 1952-жылы төрөлгөн О.Ж. аттуу жубайлар каза болгон.
Ошондой эле кырсыктан 1970-жылы төрөлгөн А.К. аттуу аял оор жаракат алып, ооруканага жеткирилген», — деп билдиришти мекемеден.
Жол кырсыгы 19-декабрь күнү саат 19:42 чамасында Кочкор айылынын тушунда катталган.