Бишкек шаарында Башкы планды ишке ашыруунун алкагында Миңжылкыев көчөсүнүн курулуш иштери башталды. Бул тууралуу мэриянын басма сөз кызматы билдирди.
Маалыматта айтылгандай, мэр Айбек Джунушалиев курулуш иштери жүргүзүлүп жаткан жерге барып, жергиликтүү тургундар жана Кыргыз-Түрк «Манас» университетинин өкүлдөрү менен жолукту. Жолугушуунун жүрүшүндө долбоордун мааниси, анын негизги параметрлери, ошондой эле шаар тургундарынын коопсуздугун жана ыңгайлуулугун камсыздоо боюнча каралган чаралар тууралуу түшүндүрмөлөр берилди.
Көчөнүн жалпы узундугу 1,35 чакырымды түзөт. Долбоорго ылайык, көчө азыркы жол тилкесинин багыты боюнча 8 метр кеңдикте курулат. Ошондой эле жолдун эки тарабына жөө адамдар үчүн тротуарлар салынып, жашылдандыруу милдеттүү түрдө толугу менен сакталат.
Жаңы жол Чыңгыз Айтматов проспектин Тыналиев көчөсү, андан ары Курчатов көчөсү менен байланыштырат. Бул Ахунбаев жана Жайыл баатыр көчөлөрүндөгү унаа тыгындарын азайтууга, ошондой эле аймактагы транспорттук каттамды жакшыртууга шарт түзөт.
Жолдун бир бөлүгү Кыргыз-Түрк «Манас» университетинин жээги менен өтөт. Университеттин студенттеринин жана шаар тургундарынын коопсуздугун камсыз кылуу максатында Бишкек шаарынын мэриясы тарабынан эки жер алдындагы жөө жүрүүчүлөр өтмөгү курулат.
Мындан сырткары, иштин алкагында инженердик коммуникациялар которулуп, жаңыланат, заманбап жарыктандыруу системалары орнотулат, жол белгилери чийилип, зарыл болгон жол көрсөткүчтөрү коюлат. Ошондой эле майыптыгы бар жарандардын эркин жана ыңгайлуу жүрүүсү үчүн тийиштүү шарттар түзүлөт.
Долбоордун ишке ашырылышы учурдагы магистралдардагы жүктөмдү жеңилдетүүгө, жол кыймылынын коопсуздугун жогорулатууга жана борбор калаанын тургундары үчүн шаар ичинде жүрүүнү кыйла ыңгайлуу жана жагымдуу кылууга мүмкүндүк берет.
Бишкекте катуу шамалдын кесепетинен кыздын үстүнө дарак кулады. Бул маалыматты Саламаттык сактоо министрлиги тастыктады. Маалыматка …
«Бишкекгаз» газ кызматы маалымдагандай, жер астындагы орто басымдагы газ өткөргүчүндө оңдоо иштерин жүргүзүүгө байланыштуу 10-12-июнь …
Бишкек шаарында 9-июндан 23-июнга чейин Абсамат Масалиев проспектисинин бөлүгү унаа кыймылы үчүн убактылуу жабылат. Чектөөлөр …
13-июнда Бишкек шаарында Night Run (түнкү чуркоо) марафону өтөт. Муниципалитеттен билдиришкендей, ага 3 500дөн ашык …
Бишкек шаарынын мэриясы тарабынан Бишкек шаардык кеңешинин кароосуна «Бишкек шаарынын муниципалдык көрүстөндөрүндө көмүү жайларын брондоо …
«Бишкекжылуулуктармагы» МИ билдиргендей, 2026-жылдын 6-июнунда электр энергиясынын өчүшүнө байланыштуу НС-1, НС-2, НС-7 жана НС-12 насостук …
