Мурдагы президент Алмазбек Атамбаевди кармоо операциясынын учурундагы жагдайлар жана Кой-Таш айылынын тургундардын кайрылуулары боюнча Акыйкатчынын карамагында комиссия иш алып барат. Бул тууралуу Кыргызстандын акыйкатчысы Токон Мамытов билдирди. Анын айтымында, аталган комиссия буга чейин түзүлгөн мамлекеттик комиссия, эл аралык уюмдар бирге иш алып бармакчы. Комиссияны акыйкатчынын орун басары Эрлан Алимбаев жетектейт.
Буга чейин Кой-Таш айылынын айрым өкүлдөрү 7-8-августтагы мурдагы президентти кармоо учурунда мыйзам бузду деген негизде бул айылдын бир нече тургуну негизсиз камакка алынганын айтып чыгышкан. Алар акыйкатчы менен жолугушкан.
7-8-августта Кой-Таш айылындагы үйүндө мурдагы президент Алмазбек Атамбаевди кармоо операциясынын учурундагы кагылышууда УКМКнын «Альфа» атайын түзүмүнүн кызматкери полковник Үсөнбек Ниязбеков курман болгон, мындан тышкары ар түрдүү жаракат алган 100гө жакын адам ооруканага кайрылган. Алардын ичинен Чүй облустук милициянын башчысы Самат Курманкулов башынан оор жаракат алып, Москвада дарыланып жатат.
Бул окуядан соң мурдагы президент Алмазбек Атамбаев, анын кеңешчиси Фарид Ниязов, КСДПнын мүчөлөрү Алга Кылычов, Кыяз Смайлов, Амантур Жамгырчиев камакка алынган. Ал эми Жогорку Кеңештин депутаты Ирина Карамушкинага кылмыш иши козголуп, үй камагына калтырылган.
Кой-Таштагы окуялар боюнча вице-премьер-министр Жеңиш Разаков жетектеген мамлекеттик комиссия иштеп жатат.
Булак: Азаттык.
Акыйкатчы Жамиля Жаманбаева Бишкек шаарындагы мектептердин биринде биринчи класстын окуучусу сабалган окуяны — баланын укугун …
КРдин Акыйкатчысы (Омбудсмен) Жамиля Жаманбаева Финляндиянын укук үстөмдүгү борборунда өткөн эл аралык семинарга катышты. Бул …
Акыйкатчы Жамиля Жаманбаева укук коргоо органдарын убактылуу кармоочу жайда кармалып турган жарандардын укуктарын сактоону камсыз …
КР Акыйкатчысы (Омбудсмен) Жамиля Жаманбаева бир жылдай убакыттан бери системалуу түрдө 9 эркек тарабынан зордукталып …
КРнын Акыйкатчысы (Омбудсмен) Жамиля Жаманбаева мамлекеттик органдарды психиатриялык оорулар менен жабыркаган адамдардын укуктарын камсыздоого чакырат. …
КРдин Акыйкатчысы Жамиля Жаманбаева Монголиянын адам укуктары боюнча улуттук комиссиясынын башчысы Жаргалсайхан Хунан менен жолугушту. Акыйкатчылыктан …
